كان بيلعب من زمان
لمّا حسسها بأمان
عاشت الوهم بجنون
صدّقت إحساس جبان
..................................................
كان بيرسم الشجاعة
كل ثانية و يوم و ساعة
لمّا قالوا عليه مخادع
فكرتها يدوب إشاعة
..................................
هو فعلاً كان حنون
حبته ... بس بجنون
مستحيل كانت تفكر
إنها ممكن تهون
...................................
استغل براءة فيها
و حُب كان باين عليها
كان بايعها رخيص فـ نفسه
و هى فكراه مشتريها
.....................................
و ابتدت يوم بعد يوم
تسهر و تعد النجوم
شافت النور فى السما
بس مشافتش الغيوم
...................................
فى التحدى كان جرئ
غمضت.. .. مشيت طريق
سلمت من غير كلام
و اتولد احساس برئ
...........................
من هنا بدأ الخداع
واترسم طريق ضياع
كانت اكبر صدمه ليها
لما حست انه باع
...................
صمتها عرف الكلام
صرخه منها قالت : حرام
مش ههين احساسى تانى
مش هسلم للغرام
.....................
وانتهى الحب الكبير
لما قتله جرح اكبر
حب كان من غير مصير
والخداع ديما بيقدر
موضوع: مش اى حد يقول بحبك يبقى صادق 
الخميس أبريل 09, 2009 8:55 am
