بحبك يا مبارك

قصيدة مبارك في حب مصر!!!!

إهداء إلى شعب مصر
> يا شعبي حبيبي يا روحي يا بيبي يا حاطك في جيبي يا بن الحلال
> يا شعبي يا شاطر يا جابر خواطر يا ساكن مقابر وصابر وعال
> يا واكل سمومك يا بايع هدومك يا حامل همومك وشايل جبال
> يا شعبي اللي نايم وسارح وهايم وفي الفقر عايم وحاله ده حال
> احبك محشش مفرفش مطنش ودايخ مدروخ وآخر انسطال
> احبك مكبر دماغك مخدر ممشى أمورك كده باتكال
> وأحب اللي ينصب وأحب اللي يكدب وأحب اللي ينهب ويسرق تلال
> وأحب اللي شايف وعارف وخايف وبالع لسانه وكاتم ما قال
> واحب اللي قافل عيونه المغفل واحب البهايم واحب البغال
> واحب اللي راضي واحب اللي فاضي واحب اللي عايز يربي العيال
> واحب اللي يائس واحب اللي بائس واحب اللي محبط وشايف محال
> واحبك تسافر وتبعد تهاجر وتبعت فلوسك دولار أو ريال
> واحبك تطبل تهلل تهبل عشان ماتش كوره وفيلم ومقال
> واحبك تأيد تعضض تمجد توافق تنافق وتلحس نعال
> تحضر نشادر تجمع كوادر تلمع تقمع تظبط مجال
> لكن لو تفكر تخطط تقرر تشغلي مخك وتفتح جدال
> وتبدأ تشاكل وتعمل مشاكل وتنكش مسائل وتسأل سؤال
> وعايز تنور وعايز تطور وتعملي روحك مفرد رجال
> ساعتها حجيبك لايمكن اسيبك وراح تبقى عبره وتصبح مثال
> حبهدل جنابك وأذل اللي جابك وحيكون عذابك ده فوق الاحتمال
> وامرمط سعادتك واهزأ سيادتك واخلي كرامتك في حالة هزال
> وتلبس قضيه وتصبح رزية وباقي حياتك تعيش في انعزال
> حتقبل ححبك حترفض حلبك حتطلع حتنزل حجيبلك جمااااال




لو لقتونى غبت فترة عن المنتدى اعرفو انى رحت فى مشوار بس احتمال اخد حد من المنتدى معايا ممكن والمدير كدا كدا هيروح معايا




مع محمود المدثر مش هتقدر تفتح عينيك
لانك مش هتشوف حاجة

اييييييييه الشعر الحلوة ده نزار قباني بيكلم ياخواتي
ههههههههههههههههههه
ومرسيييييييييييي جدا على قصيدة الحلوة ده

نايس توبيك