نادى المحافظة..............والتظبيط(مجرد وجهة نظر)

or=red]]انا كنت قاعد وبعدين خبطت فى دماغى فكرة ان الواحد يبدأ يكتب اللى فى دماغه و من جواه وبردوا الللى يردوا لازم يقولوا رايهم بصراحة
نبدأ بقى...........

والله يا جدعان

الواحد فاكر من ساعة اما كان في ابتدائي

وكان يوم الخميس بالنسباله عيد

يفضل يستناه من الاسبوع للاسبوع, يلعب كورة بعد المدرسة ,, وبعديها ينطلق باليل الي الهدف الاعظم

( نادي المحافظة )

وبالنسبة لطريق النادي

تشوف الناس ماشية ورايحة وجايه ,, كانهم رايحين لنداء قومي

او مظاهرة وطنيه ,, وعلي راي الست فيروز

علي القدس راييحيين بالملايين

وطبعا المحلات استغلت الموضوع ده وتلاقي الكافتيريات والمطاعم

زي البيت بيتك بقي وقلبظ وبندق والخ...

اما بقي قدام النادي

تلاقي عربيات وزحمة كانك رايح موقف مصر.

وكل شاب وفتاه معاهم عربية

كان قدام النادي مكان يوري ازاي بيعرف يسوق

تلاقي بقي الامركة و الخمسات والذي منه

وكل ده طبعا من اجل شد انتباه الجنس الاخر

وقدام البوابة بقي تحس انه مضيق جبل طارق

ولازم تدفع الفلوس يا معلم لو مش معروف للراجل الي علي البوابة

وساعات بتعمل عبيط وتدخل علي طول

اما جوا بقي

تلاقي حاجات غريبة جدا

الشباب حاطيين جيل والبنات ميك اب وكده ولا كانهم في حفلة تخرج

وتلاقي ان كل واحد عينه هيطلع علي التاني

بس محدش يقدر يقرب من التاني

مكان تجمع عائلات بقي ,, وتلاقي السبيل الوحيد للتواصل حاجة من تلاتة

يا اما البلوتوث وانت وحظك يا اما وقعت في مزة يا اما بنت كسر يا اما اشتغالة من صحابك

يا اما الورق المرمي علي الارض وفيه ارقام الموبايلات

يا اما العيال الصغيرة تبقي عاملة زي المراسيل بين الاحباب

وطبعا عندك بتاع الفشار المعفن و بحيرة البط ولا الوز مش عارف والله

وتحس ان البط عنده ارتيكاريا من كتر اكل ورق الجرايد

اما المنظر المدهش في الموضوع ده

الممشي او الممر

تحس انه عامل زي الصفا والمروة

تلاقي الشباب والبنات رايحيين جايين جايين رايييحيين

علي اساس ان الفيوم ضيقة اوي

وده المكان الوحيد الي يقدروا يشموا فيه هوا

اموت واعرف ليه الممشي ده بالذات

وفي العيد بقي يا باشا

تلاقي العجب العجاب

جميع اشكال والوان وانواع الصواريخ والالعاب النارية

كانك في حالة حرب يا باشا

الواحد كان بيدعي ربنا ان ثانية تعدي من غير ما يسمع ضرب نار

وتحس ان النادي ده مكان لانطلاق التقاليع الجديدة

زي طبعا الاقلام الليزر

او الاسبري الرغاوي

او حتي اي حاجة هبلة

واحد بس يبدا المسيرة

تلاقي الكل وراااااااااه

انا بناشد ااي حد مسئول عن اي حاجة

مالها الحديقة الدولية

شرحة وبرحة وكلها ممرات وممكن اي حد يمشي فيها بدل الخنقة دي

وكمان اماكن هادية وينفع فيها التظبيط

بجانب وده اهم حاجة ارخص بكتير من نادي المحافظة

منتظر ارائكم وتعليقتكم[/center]

موضوع جميل اوي يا مصطفي

ا انا من وجهه نظري ان

اان لبنات والولادا بيرحو علشان ياما بيضربو هناك او جايين مع اخواتهم

او راييحن مع العيله

وطبعا فيه بيروحو مش علشان كده

وهما بيروحو بالزات النادى مش الحديقه

علشان النادى جمبيه

بعض المطاعم زى قلبظ والبيت بيتك

وبندق ويامل الشام والحاجت دى يعني

وفيه كمان مول نتمشي فيه ونتفرج على الحاجات

انما الحديقه الدوليه مافيهاش اى حاجه من دى

مشكوري يا سكر على الموضوع

هو بالنسبة لى انا عمرى ما حبيت نادى المحافظة خااااااالص

لأن كل الأيام بالنسبة لى كانت خميس على فكرة يعنى كلها خروج
وموضوع الخروج مع العيلة ده مفيش خالص " بينى وبينكم احسن علشان ناخد راحتنا "

ما احلى لعب الكورة وحمام السباحة وتحيا الحديقة الدولية بجد

وشكرا يا قناص على الموضوع المهم ده

شكرا على الموضوع الجميل دة
وانا من وجهة نظرى
اننا المفروض منثبتش على مكان واحد يعنى ننوع مرة النادى مرة الحديقة الدولية وهكذا
وانا عملت بنصيحتك يا مصطفى ورحت الحديقة الدولية امبارح

بجد ميرسى على التوبيك

ميرسى على التوبيك الرائع

شكرا يا جماعة ع الردود الجميلة دى

» انت مجرد شخص اناني