هل حب الفتاة خيانة لأهلها

..

لما يحب شاب بنت معينة ويقول أهله أو ربعه بالحب ده ..
محدش يقدر يعيبه أو يقول له تلت التلاته كام ..!!

بس لما البنت تحب شاب معين ..
تنقلب الدنيا .. و تصير خاينه لأهلها ..
و متقدرش تقول لحد إلا صديقتها المقربه و مش دايما ً ..

سؤالي ينقسم لعدة أقسام ..

الأول ؟؟

هل الحب الشريف في مجتمعنا عيب كبير ؟؟!!

الثاني ؟؟

هل من حق الشاب أن يحب و يفصح عن حبه و مش من حق البنت أن تحب و تفصح عن حبها ؟؟!!

الثالث و الأخير ؟؟

هل عاداتنا تسمح للرجل أن يحب
و لا تسمح للمرأة أن تحب ؟؟!!

في انتظار آراءكم ..

تحياتي لكم

مش عارف

اظن اللى بقدر يجاوبك ع السوال ده احسن منى بنت زيك

انا الصراحه مش عارف

بس من رايى الصراحه حلوه

ليه يا ياسر مش هتجاوب دى وجهه نظر مش فيها ولد ولا بنت وعلى العموم
انا هجاوبك بس ده من وجهه نظرى
1_الحب الشريف عمره ما كان عيب بس هو فى مجتمعنا فعلا عيب الا اذا انتهى بزواج وده طبعا مش بيحصل
2_فعلا البنت مش مسموح لها انها تفصح عن حبها الا فى حاله واحده بس وده مش قهر للبنت ولا حاجه بس علشان ماتقولش حاجه وتندم عليها بعدين
3_لا طبعا العادات بتسمح لكله انه يحب بس مش يتسمح للبنت انها ترتبط ارتباط غير رسمى

مش قولتك اللى يقدر يجاوب ع الاسئله دى بنت

وهيكون احسن منى بكتير
انا شايف ان كلامك كله صح

بس
ليه انتى متخيله ان الحب الشريف مش بيتهى بجواز

مع ان انا شايف عكس كده خالص

ايوه انا عارف ان فى حلات كتير بتفشل

بس

فى حلات اكتر بتجح

ميرسى يا هايدى على الموضوع دة
بس يا ياسر مش عندك حق
لان العلاقة اللى بين ولد وبنت مبتنتهيش بجواز
ودة عن تجربة حصلت قدامى
بعد حب استمر 8 سنين
متجوزوش بعض
ويا ياسر يعنى انت ممكن تتجوز البنت اللى انت بتحبها
اقل كلمة اصحابك هيقولهالك
ازاى تتجوز بنت انت مشيت معاها او كلمتها او حبيتها
اما بالنسبة للكلام اللى هايدى كتبتة ان فية بنات ممكت تعترف لاهلها انها بتحب بس مش اهلها كلهم ممكن اختها او مامتها بس اخوها وابوها دا طبعا لا مش كل الكلام اللى قالتة هند صح متزعليش منى يا هند مع انك لسة معرفتنيش بس سورى ............ وشكرا على الموضوع دة يا هايدى........

شكرا على التوبيك الرائع ده

ميرسى على التوبيك الرائع
يا اميرتى

شكرا يا جماعة لردودكم

الحقيقة يا جماعة لازم تتقال حد يسألنى إزاى
الولد لو مثلا اعجب ببنت وعلى فكرة إعجابه ده مش بيكون جاد ابدا وكلنا فاهمين طبعا لو لقى من البنت استجابة بيسايرها وبيسلى وقته لو ملاقاش ابسط كلمة بيقولها ايه يا عم البنت دى مؤدبة صح ولا لأ امتى بقى تيجى مرحلة الحب بالنسبة للبنت والمفروض بردو بالنسبة للولد لما ييجى ابن الحلال ويدخل من الباب وفى الوقت ده بيكون متأكد الولد جدا ان البنت اللى رايح يخطبها مؤدبه واول حاجة عجبته فيها اكيد اخلاقها وهو ده الوقت اللى تسمح فيه البنت لقلبها انه يشتغل بعد ما فضل متعطل طويلاوالسؤال دلوقتى اكيد ليه
عشان البنت لازم يكون كل اخلاصها وحبها المفروض يكون لزوجها مش زميل الجامعة ولا المدرسة ولا كل القرف ده وصدقونى يا جماعة مفيش بنت بتتقى ربنا فى نفسها وتصرفتها وربنا يخذلها ابدا بل بالعكس ان شاء الله هيرزقها باللى يحبها ويحافظ عليها بس كل حاجة فى وقتها والواحد ميستعجلش

انتى بتتكلمى على اساس ان كل الولاد كده بس انا بقولك معظمهم كده بيعملو كده
بس برده نتكلم على الكويسين
لانى منتدى اسمه المناقشه والحوار
يعنى مش نتكلم على فرع والفرع التانى نسيبه
لا نفر
لابد من الدراسه العلميه للموضوع
شكرا على ردك الرائع

بصي هوا عامتا بالنسبه للزمن اللحنا فيه ده البنت بقت بتقول لامها كل حاجه تخصها

اما بقا بالنسبه لكلام (الحلم الضائع) هوا ايه اللي بعد متتجوز واحده انت كتن بتكلمها اصحابك هيقولولك انت اتجوزت واحده انت كنت ماشي معاها اومال حضرتك ايه يعني هتروح تتقدم لواحده انت اول مره تشوفها ومقعدتش معاها اصلا ازاي يعني ..

طبعا الكلام اللنته بتقوله ده غلط