لماذا البنات بتتفهم غلط؟؟؟؟؟؟؟؟؟

السلام عليكم يا جماعة احب اعرفكم بنفسى للى ميعرفونيش
اانا ريم عندى 19 سنة اولى خدمة اجتماعية من بنى سويف واحب ان اوضحلكم لماذا البنات بتتفهم غلط من الشباب ومن االبنات اللى زييها
لية الشاب بيفهم البنت غلط لو هى اللى راحت كلمتة
لية البنت اللى زيها بتفتكرها انها مش كويسة لو كلمت الولد
مش المفروض يفهمو الاول وجهة نظر البنت دى وبعد كدة يحكمو عليها بأى حاجة هما عايزنها
حصل موقف قدامى وحبيت اخد رايكم فية
فية بنت اتعرفت ع ولد عن طريق النت والبنت دى اكبر من الولد ب 3 سنين والولد اعتبرها زى اختة الكبيرة والبنت كذلك وراحت البنت اديت الولد رقم تليفونها علشان لو عايز يستشيرها فى موضوع ولا حاجة وراحت صحبت البنت دى عرفت انها اديت للولد رقم تليفونها ومستنتش انها تفهم من صحبتها هى لية اديت رقم تليفونها للولد دة وجرحتها بالكلام اللى قعدت تقولهولها والبنت دى حست بجد انها انجرحت من اكتر صاحبة كانت تعرفها لو سمحت من اللى قرأ الموضوع دة يدينى رأية من فضلكم
اما بالنسبة للشاب لية بيفهم البنت غلط لما هى تروح تقولة انا معجبة بيك او انا بحبك لية الولد بيفتكر ان البنت دى سايبة اى ولد تروح تقولة كدة لية بيحسبه انها مش هتقدر تحافظ علية وانها هتخونة ع طول مع اى ولد اما لو هو اللى راح قلها هيقول لنفسة هى ارتبطت بيا ومعنى كدة انها ممكن اى ولد يقولها انا عايز ارتبط بيكى تروحلو ع طول متزعلوش منى يا شباب انتو بجد المفروض مترتبطوش بحد نهائى لان مش احنا اللى ناقصات عقل ودين لا دول انتو اللى ناقصين عقل مش دين وارجو الرد

شكرا على التوبيك الرائع

لاء بصى يا روما هقولك
عندنا هنا فى الفيوم يمكن يكون مختلف شوى عن بنى سويف ممكن انتى شايفة ان بنت تدى ولد رقمها حتى لو اصغر منها دة عادى او اكبر منها
بس ارجع واقول لو اهلها عارفين بكدة يبقا طظ فى الناس مش يهمها حد بس لو اهلها مش عارفين هى المفروض تراعى اهلها
وانا عن نفسى مش بحب انى اعترف لولد انى بحبه حتى لو كنت بعشقه عشان كرامتى وسمعتى بين الناس
والبنت الى بتقولى انها قالتلك كلام جرحك هى مش تقصد اكيد حاجة لان البنت ممكن تكون كويسة
بس هى بتنصحها كاخت يعنى هى هتستفاد ايه لما انتى تخدى رقمو ولا ياخد رقمك
بس هى حبت تنصحك انتى فهمتيها غلط
ومهما كان هى تعمل الى براسها بس تعمل العقل

شكرا كتير

منا عارفة يا دودو
بس انا كنت مخنوقة قوى
ودلوقتى لا مش مخنوقة
بس احنا زى عندكم
وانا شايفة ان لو اهلى عارفين
مش هديلو الرقم
وفى الاول وف اللاخر دة خط
ممكن يتكسر ف اى وقت
ويتجاب غيرة
وميرسى يا دودو

اولا شكرا على الموضوع
ثانيا : بصراحه موضوع ان البنت هيا اللتقول للواد انها معجبه بيه ده مش صح خالص يعني وبعدين ده فيه تقليل من كرامت البنت اوي يعني وانا محترمش البنت اللي كده فعلا وهيا بقا وجهات نظر

لاء يا روما يعنى ايه خط وممكن يتكسر بس سمعة البنت بتتكسر معاه
يعنى انا اروح ادى للولاد رقمى ونكلم وهزار وكدة وفى الاخر لم اازهق اكسر الخط ولا من شاف ولا من درى

طيب ما انا اراعى ربنا كلنا بنغلط بس مش عيب اننا نغلط العيب اننا نكرر الغلط