YaSseR Ma'MoN
Admin
عدد المساهمات : 800
السٌّمعَة : 1
تاريخ التسجيل : 21/03/2009
الموقع : wWw.As7aBHaRd.MaM9.CoM
 |  موضوع: انفرد وحصرى جدا امتحان العربى 2009 للثانويه العامه  الأربعاء مايو 13, 2009 3:42 pm | |
| السؤال الأول: التعبير
اكتب ما لايقل عن 650 سطر فى أحد الموضوعات التالية
لم يجد الطفل غير الشارع ملجأ نظرا لحالة البلد الهباب..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة
شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن
دلوقتى ب 9000
.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز
بعد انتشار ظاهرة أكل لحم الكلاب والحمير..من وجهة نظرك كحمار تكلم عن هذه الظاهرة ومن المتسبب فيها بدون غلط..الورق متراقب
ـــــــــــــــــ...
السؤال الثانى: القصة
من قصة ' وعهد الله ما انت داخل الانتخابات' .. اقرأ القطعة وأجب عن الآتى
ثم أتى إليه وضربه بالجزمة وقال: انت عايز تترشح فى الانتخابات يامعفن؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى؟
ما هى اللحمة؟ أو على الأقل حدد أقرب معنى خيالى لها
مرادف معجزة فى اللغة ( تغيير وزارى – زيادة المرتبات – رغيف العيش) اختر يا مقلول البخت
لماذ ضربه الرجل بالجزمة وليس بالعصى مثلا؟؟
أهو كسل .. لسة هيرفع العصاية؟ - عشان العصاية قلة قيمة برضه واحنا فى عصر الديمقراطية – عشان العصاية شغالة مع واحد تانى.. افهم انت بقى اختر
حلل بمزيد من التفصيل جملة ضربه بالجزمة ومدى توافقها مع جملة مصر بتتقدم بينا
ـــــــــــــــــ...
السؤال الثالث القراءة
من موضوع ( الزعيم..والفنان.. والقدوة) اقرأ القطعة وأجب
وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا الخبر حقيقى كما أنه يرحب بالتوريث ومقتنع بكل سياسات الحكومة
فى رأيك هل يصلح عادل إمام لوزارة الثقافة أم لوزارة الصناعة باعتبار أنه صرح فى فيلم السفارة فى العمارة أنه بيحب المَكَن؟؟
ذكرنا فى الدرس أن عادل إمام سيتقاضى فى فيلمه القادم 12 مليون جنيه.. فى رأيك ياعم المحروم تبقى البوسة بكام فى الفيلم؟؟
دخل كاتب هذه السطور مسرحية بودى جارد للزعيم رغم قرفه منه أساسا.. فى رأيك ما السبب فى دخوله؟
أكيد معزوم – طبيعى معزوم – وربنا معزوم.. اختر على أن تضع إيدك على المصحف وانت بتحلف للمراقب بتاع اللجنة
ـــــــــــــــــ...
السؤال الرابع النصوص
أجب عن أحد النصين الآتيين
من نص ( ماشربتش من نيلها)..اقرأ ثم أجب
ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها
بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟
المسيسبى - الأمازون – يونج يانج
هذا النص من نصوص الحزب الوطنى والدليل وجود اسم مهم من قيادات الحزب فى النص.استخرج الاسم..وبوسه من بُقـُّه ورجَّعُه مكانه
أكمل الأبيات إلى آخر كحكة فى الكليب
قوبل النص بانتقادات بسبب بعده عن الواقع..وضح من النص ما يتفق مع القول المأثور اطبخى ياجارية .. كلف يا سيدى
ـــــــــــــــــ...
من نص (حين ميسرة)..أجب عن الآتى
اذكر اسم مصيبة واحدة محصلتش فى النص الأسود ده
وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش بإنتر.كمبيوتر إرهابى بقى
سبب وجود الشرطة كل خمس دقائق فى النص
موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب أحداث النص اختر
ـــــــــــــــــ...
السؤال الخامس النحو
أعرب ما تحته خط.. لو مالقيتش القطعة أصلا ..اتصرف
ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا
كان ممدوح إسماعيل قاتلا .. ضع إن مكان كان.. على ألا تنصب ممدوح.. عشان هوه بينصب لوحده
فُرِضت الضرائب علينا ببشاعة ..أعرب الجملة .. وارفع الضرائب أبوس إيدك | |
|
nOw WhItE$
عميد
عدد المساهمات : 911
السٌّمعَة : 0
تاريخ التسجيل : 25/03/2009
الموقع : www.as7abhard.mam9.com
| | موضوع: رد: انفرد وحصرى جدا امتحان العربى 2009 للثانويه العامه السبت يونيو 13, 2009 9:15 am | |
| هههههههههههههه
ايه الامتحان ده
يلاسلام لو يجيبو زيو
تسلم اديك | |
|
siko
مشرف
عدد المساهمات : 2177
السٌّمعَة : 0
تاريخ التسجيل : 29/03/2009
العمر : 33
الموقع : من امام ام سمير بتاعت الطعميه بالفيوم
| | موضوع: رد: انفرد وحصرى جدا امتحان العربى 2009 للثانويه العامه الإثنين يونيو 15, 2009 9:28 pm | |
| | |
|
القناص
مشرف
عدد المساهمات : 331
السٌّمعَة : 0
تاريخ التسجيل : 28/03/2009
العمر : 30
الموقع : فى البيت
| | موضوع: رد: انفرد وحصرى جدا امتحان العربى 2009 للثانويه العامه الأربعاء يونيو 17, 2009 5:40 pm | |
| الامتحان دة انا حاليتو كلو
ممكن اجيب فيه تسعة من عشرة
مع رفع التسعة طبعا
بس توبيك جامد | |
|
siko
مشرف
عدد المساهمات : 2177
السٌّمعَة : 0
تاريخ التسجيل : 29/03/2009
العمر : 33
الموقع : من امام ام سمير بتاعت الطعميه بالفيوم
| | موضوع: رد: انفرد وحصرى جدا امتحان العربى 2009 للثانويه العامه الأربعاء يونيو 17, 2009 11:35 pm | |
| | |
|
doos
مشرفه
عدد المساهمات : 232
السٌّمعَة : 6
تاريخ التسجيل : 27/03/2009
| | موضوع: رد: انفرد وحصرى جدا امتحان العربى 2009 للثانويه العامه الجمعة يونيو 19, 2009 5:16 am | |
| ههههههههههههههههههه
عرفت منين يا ياسر الامتحان بتاعنا بالظبط هو ده الامتحان اللى جه وكالعاده كنت قاعده فى اللجنه متنحه
مع ان كل الناس كانت بتقول انه سهل | |
|
YaSseR Ma'MoN
Admin
عدد المساهمات : 800
السٌّمعَة : 1
تاريخ التسجيل : 21/03/2009
الموقع : wWw.As7aBHaRd.MaM9.CoM
| | موضوع: رد: انفرد وحصرى جدا امتحان العربى 2009 للثانويه العامه السبت يونيو 20, 2009 12:40 am | |
| اى خدمه
بس مش ده المهم
المهم انتى عملتى ايه
فى الامتحان
لو نقصتى درجه
هتموتى صدقيتى اللامتحان انا سرقه وتعبان فيه سم قاتل
وننقصى
يبقى عيب | |
|
