شويه نكت سياسه (امن دوله عطول يا ريس)

شوية نكت سياسيه وربنا يستر

علشان تبقى كملت النهارده

بيقولوا للريس قبل الانتخابات "انت مش هاتودع الشعب وللا ايه؟"
قاللهم "ليه هو الشعب رايح فين؟

بيقولك واحد تانى لقى الفانوس السحرى ده دعكه طلعله العفريت وقاله:شبيك لبيك تطلب أيه؟ قاله الراجل: أنا عايز كوبرى بين القاهره وأسوان العفريت قاله: دى صعبه قوى نقى حاجه تانيه الراجل قاله:خلاص خلى حسنى مبارك يسيب الحكم؛العفريت قاله:أنت عايز الكوبرى رايح جاى ولا رايح بس

إخبرنى بصراحة يا نظيف ولا داعى للمجاملة أو النفاق .
نظيف : أمرك يا ريس
الريس : أنا الأفضل ولا عبدالناصر ؟
نظيف : انت طبعا يا ريس .. جمال مين اللى كان بيخاف من الروس !!
الريس : طيب أنا الأفضل ولا السادات ؟
نظيف : سادات مين ياريس اللى كان بيخاف من الأمريكان !!
الريس : طيب أنا الأفضل ولا عمر بن الخطاب ؟
نظيف : انت طبعا يا ريس .. عمر بن الخطاب كان بيخاف من ربنا .. انت لأ

1.

موظف راح يدى صوته فى الانتخابات فاختار لا
وهو مروح قابل واحد صاحبه فسألو عملت ايه ؟
قاله علمت على لا
لطم صاحبه وقاله روحت فى شربة ميه
فسأله الموظف ايه الحل ؟
قاله ارجع بسرعه وصلح اللى كتبته واكتب نعم
رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه وقاله
احنا صلحناه لك اوعى تعمل كده تانى

واحد شغال فى فرز اللجان الإنتخابية...فواحد صاحبه بيسأله : بقى معقول انتوا بتقعدوا تفرزوا الأصوات دى كلها؟؟؟؟؟؟؟؟؟؟؟
قال له : ولا بنفرز ولا حاجة...التعليمات واضحة وصريحة...احنا نرمى الورقة بتاعة الناخب فى الهوا...ولو نزلت على وشها أو ضهرها يبقى وطنى...ولو على سنها يبقى معارض

بلدياتنا نجح في انتخابات مجلس الشعب, ففي اول جلسة قاعد جنب واحد افندى فالأفندى عزم عليه بسيجارة مارلبورو, وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا

سأل الرئيس وزيره : كيف حال الشعب بعد ما
غلّينا العيش ؟
فقال : يا سيدي بياكل زفت
فقاله : طيب غلي الزفت

في مدرس يدرس في المرحلة الابتدائية سأل أحد الطلاب
طير بيتكلم وأول حرف منه الباء ؟
فرد عليه الطالب وبسرعه : الببغاء
فقال : ممتاز . اسمك اية؟
فرد : أحمد
سأله المدرس: أبوك بيشتغل اية؟
رد الطالب : دكتور
فقال المدرس : شايفين ولاد الدكاتره ؟
راح المدرس سأل سؤال ثاني : حيوان بطيء وأول حرف في اسمه السين ؟
فرد أحد الطلاب : سلحفاة
يرد المدرس : ممتاز .. اسمك أية؟
فقال : وائل
أبوك بيشتغل اية؟
رد الطالب : مهندس
فقال المدرس : شايفين ولاد المهندسين
بعدها سأل المدرس السؤال الثالث : طائر له جناحين ... ما هو ؟
فرد أحد الطلاب و بسرعه : تمساح
فيقول المدرس : شايفين الغبي دة
اسمك أية ياغبي؟
ردالطالب : خلف
أبوك يشتغل أية ياغبي؟
رد الطالب : لواء امن دولة
ردالمدرس : بص يا حبيبي هو التمساح بيطير بس مش كتير ولو شد حيله
حيطير أعلى

مره توني بلير و بوش و حسني مبارك عمله ماتش كوره
و همه بيلعبوا الكره وقعت في بحيره مليانه تماسح مفترسه
توني بلير امر واحد من الحرس بتوعوه انه ينزل يجيب الكره من البحيره..
الحرس قال له ماينفعش انزل علشان انا عندي ولاد و عايز اعيش و اربيهم
قام بوش امر واحد من الحرس بتوعه انه ينزل يجيب الكره من البحيره
برده اعترض و قاله ماينفعش انزل علشان عندي ولاد وعايز اعيش و اربيهم
قام حسني مبارك امر واحد من الحرس بتوعه انه ينزل يجيب الكره من البحيره....
العسكري مكدبش خبر راح قالع هدومه و نازل البحيره و فضل يصارع التماسيح و التماسح اكلت اديه و رجليه بس بعد كل ده جاب الكره
فبيسألوه انت ليه نزلت مع انك عارف ان البحيره مليانه تماسيح مفترسه
قلهم انا برضه عندي عيال و عايز اعيش و اربيهم

1.

بيقولك مره شيخ اتمسك فى امن الدوله و سابوه
فامن الدوله مراقبينه . اول يوم لقوه ماشى فى شارع
الهرم راحوا مكلمين الريس و قالوله الشيخ تاب ياريس
تانى يوم لقوه فى كباريه قالوا الشيخ تاب و اناب ياريس
تالت يوم لقوه فى الاتوبيس بيسرق واحد قالوا الشيخ تاب
و اناب و بقى من الحزب الوطنى ياريس

بيقولك جمال مبارك بعد الخطوبة ..أبوه حب يضمنله مستقبله ..جابله عقد عمل فى السعودية ..وشغلوه برضه ابن رئيس جمهورية بالساعة

* سبب عدم غناء محمد ثروت فى الحفلات الوطنية إنه مرة غلط وغنى :الله أكبر فوق كيد المعتدى

* حسنى مبارك راح لشيخ الأزهر متعكنن جدا .وقاله ا سيد أنا كل كام يوم نفسى بتهفنى على كاس أو اتنين وسمعت ان الخمرة حرام ..اتصرف ..راح شيخ الأزهر قاله:
ابقى اشربها على وضوء يا ريس

مرة واحد ركب تاكسي ولقي السواق معلق في العربية صور جمال عبد الناصر وانور السادات وحسني مبارك
الراجل استغرب سال السواق مين اللي انت معلقهم صورهم عندك
قالة دا جمال عبد الناصر الزعيم المصري الراحل
ودا انور السادات قائد حركة السلام والامن في البلد
ودا حسني مبارك أبو علاء شريكي في التاكسي
---

حسني مبارك بيخطب في الشعب فا كل شويه واحد يقوم ويقول عاش حسني مبارك موحد الاديان ويقعد يروح حسني مكمل كلامه وشويه ويقوم الراجل ويقول عاش حسني مبارك موحد الاديان فا اتمسك امن دوله وطااااااااخ ويقولوله ايه الي انت بتقوله دا ازاي موجد الاديان دي مصر فيها مسيحين ويهود ومسلمين وطااااااخ فردعاليهم يا باشا ماهوه الي مكفرنا كلنا

طبعا انا كتبنهم وربنا يستر

انا موجود فى امن الدوله لو حد سال عليا

انا فى زنزانه 13

ايه يا جماعه
انتى نستونى فى الزنزانه ولا ايه

هههههههههههههههه
لوحدك يا معلم انا تعبت من كتر قعدة السجن
بس فى حل اسهل انى اهربك

ههههههههههههههههه
انت بجد كاتبهم
انا رايحه ااقولهم

ههههه

وكمان انتى هتهربيه دانتى توديه في داهيه

هههههههه

thanks yasser

Twisted Evil

انتى مالك اهربه اسجنه
مش انت موافق يا يسورتى

عمالة اثبت فيك اهو قولها انا موافق مالكيش دعوة
ههههههههههههههه

هههههههههه طلعت ولا لسة يا ياســــــــــــــــر .................... لو مطلعتش تبقى تقولــــــــــــى علشان اجبلك عيش وحلاوة معايا ومع بعض كلنا فى امن الدولة فى زنزانة لوحدنــــــــــــــا

هههههههههههههههه

انا لسه

انا هستناكى

اوعى تتاخرى والنبى علشان انا ودنى اتهرت من الفول الامن

ماشى

شكرا يا جماعه ع الردود

شكرا على التوبيك الرائع

شوية نكت جاااااااااااااااااااااامدة يا ياسر

انتا كنت لسه فاكر انها نكت
هههههههههه

» شويه نكت انما ايه
» شويه نكت تانيه
» سؤال محرج شويه ؟
» شويه نصايح للرفع ضغط الشباب
» مرحباا ازيكمم بعد انقطاع فتره طويله جيبالكمم موضوع بده اهتمام شويه